ابوذيات تحششيششششش حلوه

أبوذيات عراقيه تحشيشيه حلوووووه

الك باع الكلب حبة والك سام
درجعلي البعد قاتل ولك سام
الك هالجامعة فدوة والاكسام
الداخليـــــــــــــــــــــــة

__________________________

اذا مضروب اشوفن بيك دم شي
ولان جذاب ابعد عني دمشي
اجيت متعني واجرت دمشي
بهبهاني

_______________________

ذكرت انتة حبيبك يوم لو ناس
والحكة وامشي ورا ه بسكوت لو ناس
مهاجم صير والعب مثل لونس
محمود

______________________

ايدة شكد جبيرة لو تريدة
ومحبوبك اعزمة لو تريدة
اسألة يريد تمن لو تريدة
مال بامية
_________________________

فصلنة الوكت هو الجان فاصل
وتعبنة وللاسف ما صاح فاصل
صوتة شكد حلو ومحبوب فاصل
عواد
_________________________

بعض من اصدقائي الحقد ... بيهم
يخلون الكلب مجروح ... بي هم
اريد اتتركهم وءآخذلي ... بي هم
كامل مواصفات

================

زعلت وآآنه من البيت ... طالع
لان شيبي صفه بالراس ... طالع
كلت للحزن انت اليوم ... طالع
بالثلاث

تحدّه انت الزمان واكل ... تكه
وجكاير دخن بكل يوم ... تكه
وصير لكل درب يهواك ... تكه
مال قطار

=============

حبيب الي كضب وياك ... هدله
واذا شفته وكع بالضيك ... هدله
يردلك بالفرح ينطيك ... هدله
مال عرس

==============

عداوات الوكت وياي ... عادن
وعليه افلام يابه افلام ... عادن
بطولة يسرى هم وياهه ... عادن
امام

==============

مر بيه حبيبي ولو ,,, بالطيف
ولاعبني بحنان وشوك ... ولطيف
اذا شفتك ونه بتموز ... والطيف
ابرد

=============

بحر حبك اعبره بفقط ... قارب
وعلى كلبي كليبك ولك ... قارب
اعجبك وآآنه عندي شلون ... قارب
ولحيه

===========

غشيم الكلب والشيطان ... وزه
وعلي تاهت البطه من ال ... وزه
يكلبي امشي ودخلي انجيب ... وزه
وجاجيك

==============

الك بالعين يا المحبوب ... عبره
وعلى ردب العشك بيديك ... عبره
اكلت اليوم يمه شلون ... عبره
مال لحم

يالشابع دليلي اجفوف سطرا
ولك هاي السوالف علي سطرا
اساعد بيك شو ما كلت سطرا
جزيلا ؟ كلمه التنكال

كل يوم اشتعل بهواك ونشب
وكبر بيه الحزن ونوب ون شب
لاتحجي ودبسك عاد ونشب
لا دوخنه